Gastrobox The Union (已結業)

两个人叫咗个788餐，share 1块扒唻食。先来嘅系三文鱼沙律，食物无乜特别，但特别在于服务。个waiter 放低碟沙律，但倒泻咗半杯水，成枱湿洒，佢走咗去，我以为佢去攞毛巾，佢唔知做乜去攞水壸帮其他枱加水，我见佢完全无意欲过嚟，我叫咗一个好似经理嘅人，个经理叫佢佢先如梦初醒攞毛巾。到个汤， 话就话系龙虾汤， 其实根本系蕃茄忌廉汤。个扒我叫4成，佢比咗10成，但都有问要唔要煮过。由于已经等得好耐，我都要咗，无叫佢换。食完晒后，个waiter 又出场。见我地食完，佢收咗我只碟，但好似见到好多野未收，所以去攞咗个盘，其中一枱又食完，跟住又好似经理叫佢，佢已经唔记得要帮我地收野。忙，收唔到，我理解，但佢竟然之后去咗set枱，当时已经9点几，跟本无新客，咁唔系应该serve 咗依家响餐厅嘅客先呢？我读书嘅时候唔系好感受到什么叫活着的人比死去的人更痛苦，而依家我终于明白。。佢宁愿去serve 一啲已经离开嘅人，都唔肯为我收野，上甜品，上咖啡。。我𠮶刻都几无奈同痛苦之后上咖啡无上奶，𠮶啲都唔讲。。 总而言之，我唔会再去。坚尼地城好过佢嘅西餐大q把，何苦要受气？