銀杏館-越老 (已結業)

越南野我不嬲都钟意食，呢间装修得好工业风嘅越南餐厅一直都好想试，咁岩今日行过油麻地梗系要去试一试，哩间越南餐厅有几间分店，而我觉得装修得最型就系哩间，听讲里面嘅侍应都系上咗年纪嘅公公婆婆，真系好友噱头未够七点就已经上到去，侍应服务相当殷勤，绝对有礼貌过啲年轻嘅侍应，哩一点真系要高度表扬呢度有素食同埋肉色选择既，我哋梗系每样都嗌啲试吓，素三文鱼青木瓜沙律，烤牛肉捞檬，素银雪鱼扎肉煎蛋饭同埋串烧首先𠮶素三文鱼好得意呀，感觉好似蒟蒻，不过无味既，木瓜沙律调果不错！烤牛肉捞檬啲牛肉好大份喔，不过全部都好un喔，真系咬唔到喔𠮶素银雪鱼𠮶汁就有啲咸，原来哩旧系腐皮整成既假鱼至于𠮶串烧就系最好味既一碟啦！虽然今晚既菜式未话有惊喜，但系我绝对会黎帮衬多次试埋其他菜款，因为哩度座得舒服，服务态度又好好