泰發泰國餐廳 (已搬遷) 新店位置

友人话想食泰国野，等登黎到九龙城揾食。第一次黎呢道，真系好多泰国餐馆，一时间都唔知拣边间好，睇左一阵，觉得泰发最光猛，感觉上干净啲，就入去啦。仲早，只有三枱客，可以慢慢睇餐牌。店员有礼地放低一碟虾片同清水，没催落单呢。虾片很脆，但有点过咸。三心两意，拣左好耐先落单，叫左唔系好多野，要留肚食糖水吖嘛。生虾呢样系泰国野必叫嘅，虽然对虾敏感，但本死无大害，照食。虾非常新鲜，爽口弹牙，配上生蒜头同秘制酱料，真系好正。而虾头炸过后十分香脆，食得唔好哂，一于吞埋佢地落肚。冬荫功汤（细）入面好多料，有虾，菇，猪肉，蕃茄等。味道酸辣咸，好过引。而且一点都不油，一口气饮左两碗，唔停得口吖。马拉盏芥兰芥兰鲜嫩，但好咸，炒得一般。串烧 （牛，猪，鸡）食系上黎三样都差唔多味，无乜特别。沙嗲酱最正，好香花生味，我欣赏碟酱料多过啲肉。唔知系咪泰国人天生特别温柔，个个店员都好好礼貌，又有笑容，叫佢地斟水都系笑住黎，慢慢食又无赶客，真系唔错。