知魚知樂

营业中

休息中

位于红磡民泰街呢间知鱼知乐，大大间好易认，今日我去朋友屋企，就去呢间买左唔少野，全部都价钱合理，味道好，所以好推介大家去试下。打左三个餐，番茄鱼米饭，蕃茄肥牛米饭，同埋一个秘制肉酱猪软骨饭，另外仲叫左两小食，分别系秘制熏蹄，同皮蛋卷，全部都大大碗，好好食，价钱合理。先讲蕃茄鱼同蕃茄肥牛，佢地嘅汤底都一样，好浓郁嘅蕃茄味，而且好多配料，有牙菜，豆芽，蕃茄等等。肥牛份量多，好抵食，而蕃茄鱼就肉质鲜嫩，好滑又冇骨。秘制肉酱猪软骨饭，肉酱多，啖啖饭都食到肉酱，而猪软骨都好味，大碗又食到饱。小食都很出色，秘制熏蹄，同皮蛋卷，我比较喜欢皮蛋卷，未食过，应该很难整，是功夫菜嚟，出面卷有咬口入面皮蛋就软身，好食，点埋酱食一流，我本是很喜欢食皮蛋，会为左呢个卷再去食，推介大家都试下，又吾贵。顺带一提店员服务好好，因为俾漏左一个酱汁，佢跑出来追我地，已过马路咁俾番我地，真系好好呀，赞。