影片
更多
2010-06-23
134 浏览
环境： 好想比满分。1) 餐厅分三层：第一层有三张四人枱，外面重有个好靓既井。第二层系一张大约坐十个人既长bar枱，加个open kitchen。第三层系比较有私人空间既三张枱（两张四人 + 一张八人）。2) 老板好客气地带我地行哂三层。佢唔讲真系唔知，原来地下有个六十年历史既古井，重要有水架。3) 餐厅最唔好就系要行楼梯。𠮶分真系非常之唔想扣，不过同行既人有返咁上下年纪同好钟意饮酒，所以条楼梯真系好危险。不过因为系唐楼，所以冇办法。第日如果葫同要开分店可以留意下依点。4) 我地订左第三层既八人枱。八人枱有最低消费(HK$ 1,000)。请小心，座位冇椅背，饮多两杯要小心起身。枱同枱间系用帘隔开，方便客人包场打通。5) 餐厅既装修好靓，睇得出有比心思。因为有炭炉，所以系会好大烟同好热。好欣赏老板选择左柔和既灯光去减低气温同避免左炭炉产生既烟雾弥漫感。选用既灯好似枝电筒喺天花板吊落黎好特别。虽然个灯口系细，不过好光，佢既好处系唔会晒庆个客人。6) 三楼每张枱侧都有部电视。普通系唔会开声既，因为餐厅会播放音乐，不过如果客人有要求，佢地系会转比你既。如果你唔钟意重可以叫佢息左佢。7) 三楼虽
1) 餐厅分三层：第一层有三张四人枱，外面重有个好靓既井。第二层系一张大约坐十个人既长bar枱，加个open kitchen。第三层系比较有私人空间既三张枱（两张四人 + 一张八人）。
2) 老板好客气地带我地行哂三层。佢唔讲真系唔知，原来地下有个六十年历史既古井，重要有水架。
3) 餐厅最唔好就系要行楼梯。𠮶分真系非常之唔想扣，不过同行既人有返咁上下年纪同好钟意饮酒，所以条楼梯真系好危险。不过因为系唐楼，所以冇办法。第日如果葫同要开分店可以留意下依点。
4) 我地订左第三层既八人枱。八人枱有最低消费(HK$ 1,000)。请小心，座位冇椅背，饮多两杯要小心起身。枱同枱间系用帘隔开，方便客人包场打通。
5) 餐厅既装修好靓，睇得出有比心思。因为有炭炉，所以系会好大烟同好热。好欣赏老板选择左柔和既灯光去减低气温同避免左炭炉产生既烟雾弥漫感。选用既灯好似枝电筒喺天花板吊落黎好特别。虽然个灯口系细，不过好光，佢既好处系唔会晒庆个客人。
6) 三楼每张枱侧都有部电视。普通系唔会开声既，因为餐厅会播放音乐，不过如果客人有要求，佢地系会转比你既。如果你唔钟意重可以叫佢息左佢。
7) 三楼虽然系tatami式，不过大家可以放心，唔洗跪既，因为枱低有位比对脚伸展。座位旁亦有空间比女士们放手袋。
8) 有个长期开既炭炉喺前面都冇乜出汗，证明冷气够，最啱我地咁怕热既人。
服务：一流，真系冇野可以挑剔。爆哂灯。
1) 我地七个人其中三个身形比较大件，所以被安排到四人tatami枱时有少少微言（其实多过少少既，hehe…）。可能见我地未齐人都坐得真系有D困难，老板就好客气，帮我地安排调去最大𠮶张有两个炉既八人枱到，真系好感动。我地调枱期间重帮我地搬哂所有野，包括我地d鞋。
2) 落单既时候好仔细介绍所有食物，有问别答，有求必应。
3) 因为我地好惊食物一窝蜂咁黎，所以千叮万嘱要慢慢上。佢完全做到我地既要求。张枱唔会好似韩式烧烤咁堆积如山。
4) 我地烧野食期间到咁上下佢会自动帮我地换网，保持网既温度同干净度，有时重会帮我地烧埋。
5) 我地饮酒既速度系几惊人既，所以经常要加酒，换水，换冰。因为佢人手够，所以绝对冇问题。我地唔洗叫，佢都会不时帮我地换埋碟。唔赞唔得。
6) 我地走既时候除左带我地周围参观，重叫我地小心慢行，惊我地滑倒。佢地发自内心既诚恳同细心真系想加多佢几分。好少见到后生仔女咁有礼貌，咁有耐性，同咁好笑容。
卫生：
1) 好干净企理。净系睇佢成日换碟，换网都感觉到佢对卫生既要求高。
2) 佢选择唔用餐巾系正确既，因为会好难清洁。佢摆放左两盒纸巾比客人自己攞。纸巾好细张，而且系任用，我个人觉得比较唔环保，因为有好多人会好浪费。佢可以选择用韩式既纸口水肩加一人一张大纸巾，其实都好方便。
味道：基本上满分。
和风salad：菜够新鲜。个秘汁好醒胃，食得出佢有芝麻味，醋味，重带少少辣，好正。必吃推介一。
枝豆：$25。第一次食用其他调味料煮过既枝豆，食落都几特别。枝豆本身甜，佢用黑椒炒过，好有镬气，味道唔错，不妨叫一碟黎送下酒。必吃推介二。
葫同特制既带子蟹膏刺身：$78/两件。openrice 既食评们真系冇介绍错。带子好嫩滑好鲜甜，中间夹左好浓味既北海道蟹膏同wasabi，简直系绝配，正到难以置信。（如果唔受得wasabi可以落单时叫佢唔好落。）必吃推介三。
不同烧物有不同腌料比大家选择：椒盐，烧烤酱，味噌酱（miso），蒜蓉。落单时老板已提醒味噌酱同蒜味两款味道比较浓，所以如果客人怕，佢地系可以轻手d去腌。叫完𩠌，每人会有碟新鲜既青柠汁比大家点d烧物。枱上亦有BBQ汁比大家自己倒黎用。
厚切酱烧牛舌：$238/碟，每碟约十一块。因为有心黎试葫同，所以打黎订位既时候已经问定有咩食物要预订，其中一样系厚切酱烧牛舌。牛舌一早帮我地切好，一口一粒，肉质爽，BBQ味腌得咸甜适中。必吃推介四。
“逹拉斯”： $198/碟，每碟六块。葫同特式牛扒，同厚切牛舌一样要预订。黎既时候已经帮我地切好，每份只有六块。见到d肉咁靓咁marble都已经好满意。咬落口发觉肉味浓且鲜甜，肉身嫩滑松软多汁，爽呀。BBQ腌料唔会盖过肉味，做得非常好。因各人口味不同，烧到几熟自己控制，我自己就比较喜欢生D，个皮熟我就食，mmm… 好食到晕。必吃推介五。
一口鸡翼：$48/碟，每碟约十一件。好少见食市既鸡翼系咁少毛既，真系好意外（肯花时间去毛系另一个为卫生架分既原因），赞。皮光肉滑，好嫩口。个味道甜甜地又唔会太热气，而且容易煮到熟，所有女士都要encore。必吃推介六。
牛油去骨鸡腿：$58碟。哥哥仔好细心地讲解特别既烧法。先烧鸡肉到六七成，跟住再溶左个锡纸dou既牛油黎煮到鸡肉十成就食得（鸡肉唔可以好似牛肉咁生生地就食）。虽然咁煮法会肥d，不过真系好香。个肉身同鸡翼一样咁嫩，不过佢地腌料唔同，连烧法都咁多种，真系带比你不一样既享受。必吃推介七。
盐葱牛舌：$68/碟，每碟六块。依个牛舌同厚切𠮶个完全唔同食法。哥哥仔尝试教我地煮，不过佢见我地个样比较迷茫，所以提议帮我地烧。原来我地可以用阴力慢慢拉块舖满盐葱芝麻既牛舌放喺块网到烧。因为牛舌好薄，所以烧一边就好快熟，认真皮薄馅靓。平时喺其他餐厅食薄烧牛肉卷d牛肉会好老同过熟，个馅又黐牙。葫同个盐葱牛舌完全冇依d问题，牛舌本身好靓好薄，所以唔刃，好够葱而且盐既份量又唔会太咸所以好啱我地口味。必吃推介八。
烧烤酱牛五花：$78/碟。颜色肉纹都好靓。薄薄既牛五花唔需要烧太耐，不过每个人口味唔同，爸爸话煮耐d热d重好食wor。我地所有人都觉得咬落口好软熟，肉味浓郁且好juicy，所以又encore。必吃推介九。
味噌酱猪脸颊（面猪登）：猪脸颊肉身好嫩，不过味噌酱太浓，所以觉得比较咸。（有少少后悔冇听佢意见叫佢落少d味噌酱，下次再去食会叫佢少酱或用第二种酱。）如果喺落单时老板冇提果我地，个味道分系会因为依味𩠌而比我减分。
蒜味上等猪五花：$68/碟。劲多蒜，成碟猪五花比蒜蓉覆盖住，一路烧d蒜香扑埋鼻，正呀！不过大家如果唔系蒜头既fans最好叫佢少蒜。猪五花本身冇牛五花咁多汁，不过一d 都唔干，口感算软熟，只不过采用蒜味就盖过左本身既肉味。大家可以用椒盐或烧烤酱试真d。
法式羊小排：$78/两件。个人唔系好食羊，因为怕苏。同行叫黎食既人就话好够肉味，有羊本身应有既苏味wor，用黎腌既香草又唔会太多，好味。
芝士蕃薯甜品：个人都唔系蕃薯爱好者，不过都觉得好特别。因为我地d炭都烧到七七八八，所以姐姐仔提议帮我地喺楼下烧埋。上到黎佢就帮我地打开个锡纸慢慢搞，然后用匙羹派比我地食。酸酸甜甜烟烟刃刃，第二到未必食到，必吃推介十。
色香味俱全之余，最难得系五星级酒店好多时都比唔到你既优质服务，今餐食得真系好开心。
其他：
1) 开瓶费：不论大细，每枝$150。
2) 因为同行既人食完咁多肉想食返碗热辣辣既面，所以就问老板有冇，佢话下个星期开始先会有热既乌冬，而家只系有冷面食。
张贴
