大滿屋日本料理 (已結業)

和朋友2人见到有第2位半价优惠黎左食5点半放题，时间尚早唔使等位直接入座，地方光猛座位宽敞唔会好噪，同其他放题店比环境的确更优胜，食物选择亦多。唔使填纸立即有刺身船上枱，三文鱼剑鱼腩油甘鱼带子马刀贝带头甜虾都好正，好新鲜，仲有干冰出烟的效果，唔哗哗声都会笑得出，哈哈，气氛唔错。其他鲍片希灵鱼玉子质数正常。料理方面有唔少惊喜，最推介系海胆手卷，海胆新鲜细细个size 一口食哂唔会好饱，黄金虾有酒楼小菜既水准，好香咸旦黄味又脆，虾肉亦新鲜，我觉得比食甜虾刺身更好。天妇罗炸得唔错，羊架肉质鲜嫩，芝麻鸡翅亦有水准，我最爱既烤菠萝系必食菜，好甜好juicy 呀，同朋友不停安哥既食物。食完咁多生冷油腻野，最后叫个水蟹粥刚刚好，有大量粟米元贝同水蟹，好鲜甜热辣辣暖下胃，正。饮品甜品选择亦好多，竟然有韩国蜜瓜奶雪条呀，好味，仲有其他选择，芒果味雪条，雪糕糯米滋，雪糕杯，马卡龙，brownie, 芒果布甸，等等。再要赞赞呢度服务，员工收碟好快，经常帮我地换干净碟，最后问我地有无漏单即刻帮我地跟，呢种环境食物质数同服务水准，400蚊两位实在太抵喇!