ASAP As Simple As Possible

营业中

休息中

见到晚市套餐加$10有只炸春鸡，所以就入去试下。之前有去开，不过今次系有惊喜，因为服务比之前好好多，好到我忍唔住要sell 下佢。1. QR code 点餐，但因为比较复杂，所以揾咗楼面帮手。虽然楼面得三两个人，仲要做埋reception，但落单都好有耐性，又好交带，好有礼貌，加分。2. 请楼面帮手影相，另一人本身拎住汤要上，但都好低调咁企开，等我哋影晒相先上汤，细心。3. 四个人，叫三个晚餐，有牛扒、意粉、海鲜炒饭，加一只炸春鸡。跟餐嘅沙律新鲜，无出水。牛扒俾到五成熟切得开，虾都弹牙，意粉有半熟蛋捞埋几creamy。春鸡系细细只，都有肉，炸得ok，好够食。仲有剩饭要pack走。唔会动地惊天咁好食，但人均百头晚餐对得住个价。4. 问佢拎兜pack 走剩饭，佢本身只有大胶兜，见我哋唔想要咁大个兜，主动再提出揾下有冇其他。最后帮我哋揾左个小纸兜连胶盖。呢啲细位就睇得出好细心。见佢哋平日都有八成满，希望佢哋可以keep到。