洪師父牛肉麵 (已結業)

本来想去AM.PM食pancake，但原来仲有半小时先开，就去附近医医肚。咁啱见到呢间牛肉面店，就入去试试。坐低第一吸睛系枱上有一樽搓手液，再留意四周，原来每一枱都有，而门口亦设有一部自动出搓手液机。响而家呢个抢口罩、酒精、清洁用品潮期间，特别显得窝心同有爱。我点咗独当一面牛肉面+橙汁绿茶，一向钟意食牛肉面嘅我，觉得佢哋个汤底好清甜，牛肉有牛肉片亦有牛小排件，两种层次，两种滋味，好满足！橙汁绿茶同鲜橙汁一样，冇咩特别，不过都好饮呀！落咗order先发现佢哋有炖汤，仲送桂圆红枣姜母茶，同服务员讲想唔要橙汁叫呢个。服务员话怕我食唔晒，因呢set除汤+姜母茶，仲有饭𩠌，的确系好贴心的建议，仲叫我下次再来试。估唔到盲中中入嚟呢间店，有咁好嘅体验，我下次会带埋家人再来试过呀！