糖水雄

营业中

休息中

8点几黎到，门口已经有唔少人等梗位，门口个位男职员，唔知系咪老板，态度非常亲切有礼👍入到去，都系小店既装修格局，见到有d巴士、利物浦既物品，应该都系店主既收藏品。坐左系放洗碗碟垃圾筒附近位置，如果有个帘遮一遮会好d，望到感觉唔太好😅一场黎到，好多野想试，两个人叫左六样野同一杯沙冰。xo酱煎萝卜糕～煎得好香口，几多虾米，好味！狗仔粉～多料，d菇都大旧，易入口，唔会有味精既味道。蒜香麻辣鸡翼～卖相出乎意料，有d杞子系上面，一黎到都怀疑系咪黎错，仲问左职员confirm下，味道唔会太辣，鸡翼大只，都几好食。芋圆马蹄沙～芋圆失望，望落都估到唔好食，唔饱满 ，有d扁咁，食落口无芋圆既口感同味道。马蹄沙唔错，糖水底部仲有少少马蹄碎咁，有d口感，几清新。朱古力脆皮忌廉烧卖～一开始谂会唔会唔夹，点知……真系觉得唔夹，哈哈！但唔系难食既，只系觉得烧卖同豉油辣油夹d！烧卖上面仲有d砂糖咁，烧卖味比d朱古力忌廉酱淹盖左，感觉唔似食梗烧卖，应该当佢系甜品看待。蚬肉碗仔翅～忘记拍照，大碗，都好足料，味道唔会好味精，无出面食既咁咸，加左枱面d菜甫，更加好食。腐竹白果沙冰～易入口，清凉，唔会太甜，几清新。