惠 (已結業)

见到Instagram有好多人都介绍呢间惠！知道呢度嘅环境好靓，所以今日都朝圣一下！💛果然不出我所料，真系好靓！一个非常简单嘅风格就系食日本料理最舒服嘅感觉！而且可以望住厨师处理食材嘅过程真系好爽！每一道𩠌都系非常之令人期待！最钟意嘅系呢度嘅蟹甲罗烧！之前喺日本食过一次，就已经食过返寻味，估唔到今日可以再次喺呢度回味多一次！成个处理都非常好，成个过程望住都好过瘾！而且一上枱嘅时候，成个蟹肉嘅香味已经跳咗出嚟，一旦摆入口嘅时候真系有一种好大好大嘅满足感！蟹肉蟹膏嘅味道齿颊留香！𠮶种口腔入面嘅香气真系令人唔舍得再放其他嘢入口！其他鱼生亦都好好食！整体嘅食材都系非常新鲜！👍🏻👍🏻