影片
2022-10-14
4492 浏览
首先要赞服务态度好好，环境好靓，但食物质素不过不失，但唔值呢个价位，同样价钱有其他更好选择。1. 餐前面包 2/5⭐️其中一款干果面包ok，另外的黑麦面包及bread stick唔得，无口感。2. 餐前小吃 3/5⭐️黑松露macaron 几有趣，macaron做得好好质感，烟三文鱼多士的三文鱼好香，但底下面包唔得。3. Carpaccio 5/5⭐️腌美国鲜牛肉好香好滑，配上青酱及芝士忌廉口感平衡，有一口无连埋芝士食就觉得咸咗少少，所以要所有配料一起吃。4. 慢煮羊肉手工宽条面 3.5/5⭐️上菜前员工会用烟熏枪熏下道菜，上枱时充满仙气🤣。宽条面好弹牙，味道好，不过羊肉味有少少被牛肝菌抢走咗。5. 托斯卡纳海鲜砂锅 1/5⭐️最失望的一道菜，收我$1500，波士顿龙虾清得唔干净，食一口就感觉到口咙痕，多宝鱼煮耐咗啲，带子、小龙虾不过不失。佢话一份是两至三位用，但份量较少，一至二人就差唔多。最重要系佢用铸铁锅上菜，个锅数分钟内就冷却，好明显唔系由头到尾用铸铁锅煮，估计系各食材分别煮到差不多先放入个锅中再煮一阵。呢个价位下唔ok😔6. 烤羊鞍 5/5⭐️羊鞍好香好嫩，有羊味但唔臊，配菜都炭烧得刚刚好
环境好靓，
但食物质素不过不失，但唔值呢个价位，
同样价钱有其他更好选择。
1. 餐前面包 2/5⭐️
其中一款干果面包ok，另外的黑麦面包及bread stick唔得，无口感。
2. 餐前小吃 3/5⭐️
黑松露macaron 几有趣，macaron做得好好质感，烟三文鱼多士的三文鱼好香，但底下面包唔得。
3. Carpaccio 5/5⭐️
腌美国鲜牛肉好香好滑，配上青酱及芝士忌廉口感平衡，有一口无连埋芝士食就觉得咸咗少少，所以要所有配料一起吃。
4. 慢煮羊肉手工宽条面 3.5/5⭐️
上菜前员工会用烟熏枪熏下道菜，上枱时充满仙气🤣。
宽条面好弹牙，味道好，不过羊肉味有少少被牛肝菌抢走咗。
5. 托斯卡纳海鲜砂锅 1/5⭐️
最失望的一道菜，收我$1500，波士顿龙虾清得唔干净，食一口就感觉到口咙痕，多宝鱼煮耐咗啲，带子、小龙虾不过不失。
佢话一份是两至三位用，但份量较少，一至二人就差唔多。
最重要系佢用铸铁锅上菜，个锅数分钟内就冷却，好明显唔系由头到尾用铸铁锅煮，估计系各食材分别煮到差不多先放入个锅中再煮一阵。呢个价位下唔ok😔
6. 烤羊鞍 5/5⭐️
羊鞍好香好嫩，有羊味但唔臊，配菜都炭烧得刚刚好。
7. 蓝龙虾意粉 3.5/5⭐️
加钱转蓝龙虾，今次只龙虾够新鲜干净，食落喉咙无起敏感反应啦！蓝龙虾肉味香浓，口感偏少少软身，本身该品种不是行好爽好弹牙的路线，好吃。不过蕃茄酱层次较单一，多少少酸味或香草会更好。
8. 清口甜品 3/5⭐️
上甜品前会有份芒果热情果雪糕去清清个味蕾，传统应该系比雪芭会fresh啲，佢用雪糕就奶味感觉重啲。
9. 千层tiramisu 3/5⭐️
它的tiramisu 是新派制法，酥皮千层配咖啡及芝士忌廉，再加咖啡雪糕，好食但欠了我喜欢的传统tiramisu 的酒香。
10. 柠檬冰雪蛋糕3.5/5⭐️
柠檬之外感觉还有菠萝等其他热带水果？甜中带酸，唔腻。
11. 最后四式小点，不过不失
查看之前的留言 ()
张贴
