茶寮 京都仁王門

营业中

休息中

叫左炸猪扒同炸蚝定食真系好好食，十分脆又唔油腻，份量够十分饱。跟餐嘅沙律菜都十分新鲜，咬落嗦嗦声，沙律菜仲有鸭胸件非常淋。屋企老人家点左豚肉乌冬，豚肉好淋，老人家都咬到，抵赞。乌冬仲要系赞岐乌冬，落足料👍乌冬份量少，店员见老人家咁快食晒，主动问洗唔洗添多1碗，原来可以添多1次，即刻饱晒。跟餐有杯小绿茶呢个点缀得好好，可以消一消化食甜品，记得一定要饮。我同太太叫左两杯咖啡，咖啡都好香又浓，味道刚好。我哋落餐时有叫埋pancake，店员好窝心提我地食左一半份量嘅咸点先再order pancake就刚好，然后我地食左一半正餐后，店员就主动问我地需要咩味pancake，十分好，有留意到我哋进食程度。我估呢个系店长，因衫嘅颜色唔同，店长服务态度十分好，因坐我地后面有位妈妈推BB车入店，店员帮助妈妈和BB坐低后，主动帮忙安置好BB车，真系好好，令客人有个开心满意嘅饮食体验。我食饭从都未写个食评，今次真系忍唔住要表扬呢间舖头同该店长。