必勝客 (已結業)

因为我男朋友个亚妈好钟意食pizza所以我地成日都会去，去左好几间，各间o既服务真系天壤之别，好o既都系time sqare 附近果间，太古都ok，香港仔同西九果间真系唔得，上次tea time去香港仔果间，果时人唔多，成间都系得几张围人，d staff见冇乜野做，竟然公然坐o系一张都好中间o既桌度围埋倾计、玩，想揾人拎野都揾唔到，西九就仲过份，刚刚星期日夜晚去食，写野果时，个staff跌左张纸落地下，佢执番之后竟然就放o系我男朋友个碟度啰，我男朋友就话你跌左野落地下竟然就咁放o系我只碟度咁都得呀？佢仲觉得冇野咁，要我男朋友叫佢换过哂佢先识做野啰，跟住我地order左一个餐，唔知佢地系唔系好赶，成日问我地d野黎齐咪，刚刚问完我地话仲未齐第二个又黎问，呢间野我地以后都唔会再去架喇，o系香港咁多分店，但d service都咁唔掂，佢公司应该检讨下啦。