良辰吉時 (已結業)

呢间野开咗一段时间，之前成日见排长龙，已经打算等佢过一段冷河至试吓帮衬，今日路经此地，真系冇人排队，就打算试吓啦！见到海报主打画符水同柠真幽墨，本来想试柠真幽墨，但系卖哂，问店员画符水系咩成分，黑晒面咁劲唔愿意答你，再问柠真幽墨有咩成分，可能佢见呢只卖哂，所以直情答都唔答你拧转面行开。好啦之后排队买野饮，佢地可以行行企企，又同啲野饮影相，倾计。都唔同客落单，好似想故意制造人龙，大佬啊～生意呢家野，有就有，冇就冇架啦！一眼望哂，扮咩上菜。叫咗杯芭乐梅(见佢有打星推介)，店员话等叫号码，我就等啦！见个戴口罩女店员叫165，我169咁就等啦！之后出咗好多杯野饮，就冇人再叫过号码，原来其实我杯都出咗好耐，佢地成班系挂住倾计，照镜，理得你攞唔攞杯野饮，唔休做咁嘅款，真系好野。埋去攞叫佢入袋，仲好似要求佢咁超不愿意，出到嚟试咗一啖，讲真，好普通，不值得排队。不过佢地咁嘅态度，真系请都唔会再饮。