影片
更多
2021-07-01
467 浏览
疫情原因都好小堂食，一直都係嗌外賣，未見過鋪頭外賣單可以亂成咁，而且啲呀姐（不論普通侍應定係部長）服務態度極差。唔係第一次架喇，由開店無幾耐等外賣試過等35-40分鐘，諗住新開店算啦未上手姐。今次間鋪都開左一段時間，2:00喺網上平台落單，顯示2:15可取，大約2:20到櫃臺問有得拎未，佢係無依張單嘅，咁問佢有無漏到單佢話要問問廚房先，2:25左右無覆過有落定漏左。其實消費者都係想有個答案姐，再追問個侍應時佢即刻覆讀機咁「入面有無單佢唔清楚，佢睇唔到，唔係佢負責，佢又話佢要收錢聽唔到機唔知廚房⋯乜乜物物」🙄，總之唔關佢事話問佢都無用，又話已經好落力幫我追（佢只係耳機問過一聲無再跟），其實我只係想知有無落到單。擾攘多5分鐘，後尾個見習部長行出黎，我問佢佢先話廚房仲整緊，當時係2:32左右。由2:20-2:35中間出左3，4個外賣，我睇過張單都係遲過我落，有張甚至係2:21分落嘅，出單超亂，可能佢係出哂堂食先到落單外賣，外賣平台更係最遲先出。最後我係2:38先拎到外賣，而且啲呀姐唔識對單，俾哂電話佢睇都睇唔明，如果做唔到就唔好接外賣平台單啦。食物質素唔算太標青，服務勁趕客，依區都係做街坊生
唔係第一次架喇，由開店無幾耐等外賣試過等35-40分鐘，諗住新開店算啦未上手姐。今次間鋪都開左一段時間，2:00喺網上平台落單，顯示2:15可取，大約2:20到櫃臺問有得拎未，佢係無依張單嘅，咁問佢有無漏到單佢話要問問廚房先，2:25左右無覆過有落定漏左。其實消費者都係想有個答案姐，再追問個侍應時佢即刻覆讀機咁「入面有無單佢唔清楚，佢睇唔到，唔係佢負責，佢又話佢要收錢聽唔到機唔知廚房⋯乜乜物物」🙄，總之唔關佢事話問佢都無用，又話已經好落力幫我追（佢只係耳機問過一聲無再跟），其實我只係想知有無落到單。擾攘多5分鐘，後尾個見習部長行出黎，我問佢佢先話廚房仲整緊，當時係2:32左右。由2:20-2:35中間出左3，4個外賣，我睇過張單都係遲過我落，有張甚至係2:21分落嘅，出單超亂，可能佢係出哂堂食先到落單外賣，外賣平台更係最遲先出。最後我係2:38先拎到外賣，而且啲呀姐唔識對單，俾哂電話佢睇都睇唔明，如果做唔到就唔好接外賣平台單啦。
食物質素唔算太標青，服務勁趕客，依區都係做街坊生意，好快做唔住。
张贴