慢煮工業 (已結業)

其实对上两次过嚟都知道呢度好似快餐店咁样㗎啦，今次嚟到坐低嗌左杯梳打 成20分钟都未到 见佢可能爆场都忙嘅所以唔紧要啦谂住针杯水饮啦 点知自助枱𠮶度杯都冇晒啦 问佢攞又话啤酒杯唔用得 又话冇杯可以用 我就话OK唔紧要咁你有先至再俾我啦 之后问佢攞纸巾 都好晦气咁俾我我唯有同佢系咁唔该啦 但最嬲系乜嘢呢 系我等紧个差嘅时候 个职员喺隔离执枱 将成个玻璃樽跌咗落我脚掌 整到红晒 竟然好似哑咗咁样 就咁行过嚟我度执返个玻璃樽就走咗去 我都忍唔住问佢sorry都冇一句㗎 佢竟然又好似聋咗咁样直行直过 最后我真系忍唔住行去counter问系咪真系咁冇礼貌 结果另外个职员就答我因为𠮶个人系第一日返工所以唔好意思 我想讲嘅系呢啲系基本礼貌唔关第几日返工事啰 真系第一次杯野都未饮完 我就要求佢退咗𠮶个餐嘅钱 净系收返我两杯嘢饮就走咗啦 劲嬲嘅一次经验 一肚气