稻香超級漁港 (已結業)

食小菜却被安排坐在火锅区，热到出晒汗，成班服务员仲嘈过啲茶客，上菜又唔够位。最差系啲服务，—张单错几样野，又冇跟进，三催四请，最后都系错！叫左个乳猪例牌，入机变成了乳猪拼盘，送菜时跟服务员解说了，第二次上菜又是同样的乳猪拼盘，服务员坚称冇错，讲极都唔明，比埋张手写单佢睇，仲系檬檬下，最后食晒所有𩠌，催左n次后才到。另外叫左个西湖牛肉羮，点知又冇入到机，又系要重覆讲几次，服务员先知咩事，个个都发紧梦，改完又唔出番张新上菜纸，催一次问—次查一次，不停重复错误，激到吐血。未落单前一坐底巳叫服务员留2个椰汁炖燕窝，到叫上甜品时就上得1个，还推说我们只叫了1个，最后又系要对单，当然又系佢地入错机啦！改番单后，等极都冇，催亲都话黎坚，最后又系冇到，差啲要拍台闹人，先至肯认真跟进。总括而然，服务员你推我让，听完就算，做野冇程序，得过乱字，食物水准是不错的，但会被激到吐血及浪费大量时间！