紅茶冰室 (已結業)

呢间茶餐厅响荃湾开左半年，之前行过见有人龙都冇入去，昨天早晨终于去吃早餐，两个人入到去坐低在四人卡位，对面有另两人，张枱较窄，见隔离有张大枱有人离座，我们未叫嘢，便自行转位，有个似系老细嘅男人即刻用不友善眼光望实，可能太好生意唔忧做啩。叫左两个早餐，等左一轮后其中一份的部分食物到了，另一份就迟迟未到，大枱上另有人迟过我叫，但食物也已到先，肯定落单乱左，我催了后再等左一阵先到。进食其间大概十分钟内，有几个阿蝉(中年女侍应)不停问有冇叫呢样果样，D单好似乱哂龙，好影响心情，座位已经太宽敞(其实系窄)，重请埋D冇水准嘅啊蝉，唔睇单净系识问食客，真赶客！食物水准属可以，但价钱算便宜，荃湾区有此水准之茶记大把，价钱服务优胜者不少也。临走前一名女服务员见我走时移开椅子有点困难地离座，细心地同我讲地方窄要小心，我忍不住回了句: 唔紧要，冇下次了。