影片
更多
2024-01-07
239 浏览
同家人本来开开心心去呢间酒楼食饭饮茶….结果成肚气话说食饭其间我哋叫咗几笼烧卖，每笼各两粒，当我食其中一笼时食到一粒竟然内有一条胶物体（拉得出嚟而且唔算细条）。于是乎我都呆咗呆，家人话不如唔好食果笼叫人换一笼，好啦咁，我哋就举手叫侍应，咁啱我哋果一小区有个著浅灰色嘅西装男人（其实我哋唔知佢系经理还是店长，因为佢嘅衣着明显同一般员工不同，但佢接住落嚟嘅态度似老板！）个男人行埋嚟，我指住笼烧卖话入面有胶物体（真心后悔当时无先影果笼烧卖，因为谂住换过一笼就解决事情），点知个男人拎起笼烧卖话：我帮你哋取消（一边讲一边打算走）我话：吓，唔换一笼俾我哋？个男人突然好愤怒又大声地话：你钟意啦！你换咪帮你换啰！换唔换呀！我哋一家俾佢嘅反应吓亲，而我本能反应地用佢同样声量话：换！跟住个男人竟然一路拎住笼烧卖离开时一路口up up，转弯时仲回望睥我又口up up, 做嘢经过我哋附近又再望住我口up up 。明显系闹紧我哋！酒楼侍应工作辛苦我一向都认同，遇到食物有问题时每次都系讲句唔好意思换过笼正常嘅就算，但从未遇过呢种情况…服务态度差到好似欠咗佢咁！仲要不停俾佢睥受佢气！一整日嘅好心情完全被佢破坏晒！需要
话说食饭其间我哋叫咗几笼烧卖，每笼各两粒，当我食其中一笼时食到一粒竟然内有一条胶物体（拉得出嚟而且唔算细条）。于是乎我都呆咗呆，家人话不如唔好食果笼叫人换一笼，好啦咁，我哋就举手叫侍应，咁啱我哋果一小区有个著浅灰色嘅西装男人（其实我哋唔知佢系经理还是店长，因为佢嘅衣着明显同一般员工不同，但佢接住落嚟嘅态度似老板！）
个男人行埋嚟，我指住笼烧卖话入面有胶物体（真心后悔当时无先影果笼烧卖，因为谂住换过一笼就解决事情），点知个男人拎起笼烧卖话：我帮你哋取消（一边讲一边打算走）
我话：吓，唔换一笼俾我哋？
个男人突然好愤怒又大声地话：你钟意啦！你换咪帮你换啰！换唔换呀！
我哋一家俾佢嘅反应吓亲，而我本能反应地用佢同样声量话：换！
跟住个男人竟然一路拎住笼烧卖离开时一路口up up，转弯时仲回望睥我又口up up, 做嘢经过我哋附近又再望住我口up up 。明显系闹紧我哋！
酒楼侍应工作辛苦我一向都认同，遇到食物有问题时每次都系讲句唔好意思换过笼正常嘅就算，但从未遇过呢种情况…服务态度差到好似欠咗佢咁！仲要不停俾佢睥受佢气！一整日嘅好心情完全被佢破坏晒！
需要重申嘅系成间酒楼，目测其他侍应嘅服务态度都好正常，唯独呢位浅灰色西装男人态度恶劣。
讲返食物质素，当日我哋叫了数笼烧卖、一碟炒饭、叉烧包、煎饼等。食物质素一般，烧卖算大大粒外观亦很讨好（不过入面有非一般料），炒饭一上枱唔算热，虽然粒粒分明但略干所以感觉有点儿硬，叉烧包味道正常，煎饼则较为油腻。
张贴
