鳥棲日本料理 (已結業)

第一次同同事去食，大约12:45入座，落单要用手机扫QR code。我落单叫左个鲭鱼定食，然后等左半个钟都未有野食，期间都催过2-3次啲职员，得到嘅回覆系：「因为啲鱼系即时煎嘅 所以会等大约15分钟」，然后我再答：「但系我已经等左超过半个钟，我同事个饭都食完喇」，之后个职员覆左句：「帮我睇睇」，但依然无人再处理。再过左大约10分钟，个定食餐终于上左，果时我都已经等到黑晒面，个职员系咁意讲左句：「唔好意思」之后就急急脚走左..而我完全感受唔到道歉个诚意系边。总括黎讲，服务态度真系好差同埋效率好慢，如果明知系即煎嘅鱼要等，唔该至少系menu写明，不过我唔认为会有边位客人会愿意系lunch hour 等40分钟上一个餐？同场亦都见到其他客人等左好耐都未有餐上，效率有极大改善空间。食物方面都算唔错，条鱼都煎得几好又无乜大骨，但因为等左太耐，又饿又无心情食，下次都唔会再考虑食多次。