必勝客

营业中

休息中

pizza hut野食黎黎去去都系咁上下 唔熟湾仔有咩食 以为拣呢间有保障喇点知同男朋友下午5点4-5去到攞位 见到好多好枱 问个女带位员仲有无下午茶 佢第一次唔理我 再问就叫我等下 然后同个换左便服嘅职员系门口拉拉扯扯 咁都唔紧要重点系到佢比我入去时 我坐低问waiter 佢竟然答我无下午茶了！！！！呢下真心火 劲想起身走 觉得佢地夹埋唔比人入 因当时有3-4张枱都等紧 但入面空空如也 算！ 系湾仔+男朋友系度 我忍耐下 贵啲就贵啲！(重点系我地得1个钟食饭时间却要比贵左 又赶住走)之后连续2-3个香港waiter serve我地 讲野都一旧旧 最后几个字直程0发音 大佬呀 我唔系歧视人 但我比咁嘅价 可唔可以揾个沟通到嘅waiter呀！！之后买pizza card仲离谱！我买300，佢搞左成10分钟(望住个经理又行黎行去 听电话 吹水，都未出到单比我 我又赶时间……) 之后竟然同我出左张500 (完全觉得呢间野所有人发紧梦！) 又再搞多10分钟 碌左3次单先岩 连我个劲好脾气嘅男朋友见到我发哂炆震都问不如走喇……但张咭系佢度点走姐！到叫野食 叫鸡皇饭就黎意粉！田螺薯蓉仲系唔热架！