影片
更多
2019-09-15
247 浏览
非常非常差既一次体验！服务、卫生、食物都非常差！绝对唔会再食！首先服务方面，黎到同经理讲book左9点钟两位，佢听到后冇回应行返入铺，行到中间望返转头不耐烦咁话「小姐呢边啊！」大佬你带位同我讲声我咪跟住行啰。入到去拣左$258 - 120分钟任食特级美国肥牛+刺身+炸物+海鲜盛合A/B。同经理讲完拣咩餐后佢就行开左，一直冇主动提供放题点声纸，亦冇问我地要海鲜盛合A定B。到之后我地再问，佢又不耐烦地话得海鲜盛合A，但出面餐牌写明系可以两样选择一样，如果冇系咪应该系入座前同客人讲定？！放题出食物出得极慢，尤其刺身，出得慢仲要出错，出既数量亦同点既数量完全不符！每次比完纸等到天荒地暗先有得食！另外，店入面既女侍应对广东话应该唔系好熟，听佢地自己倾计都系用普通话。每次同佢地讲任何野都「下？」「下？」「下？」几次佢地先听得明，简单问佢地要两只匙羹，「下」完几次以为佢明，点知行开又冇左回事，要再叫先拎比我，真系沟通到心很累。我地系食120分钟，照道理9点食到11点，但佢地10点3已经将出面既野收哂等收工。即系我最后45分钟系冇得再拎同order任何野食，大佬因为你地收11点所以45分钟前就收哂野咁
首先服务方面，黎到同经理讲book左9点钟两位，佢听到后冇回应行返入铺，行到中间望返转头不耐烦咁话「小姐呢边啊！」大佬你带位同我讲声我咪跟住行啰。
入到去拣左$258 - 120分钟任食特级美国肥牛+刺身+炸物+海鲜盛合A/B。同经理讲完拣咩餐后佢就行开左，一直冇主动提供放题点声纸，亦冇问我地要海鲜盛合A定B。到之后我地再问，佢又不耐烦地话得海鲜盛合A，但出面餐牌写明系可以两样选择一样，如果冇系咪应该系入座前同客人讲定？！
放题出食物出得极慢，尤其刺身，出得慢仲要出错，出既数量亦同点既数量完全不符！每次比完纸等到天荒地暗先有得食！
另外，店入面既女侍应对广东话应该唔系好熟，听佢地自己倾计都系用普通话。每次同佢地讲任何野都「下？」「下？」「下？」几次佢地先听得明，简单问佢地要两只匙羹，「下」完几次以为佢明，点知行开又冇左回事，要再叫先拎比我，真系沟通到心很累。
我地系食120分钟，照道理9点食到11点，但佢地10点3已经将出面既野收哂等收工。即系我最后45分钟系冇得再拎同order任何野食，大佬因为你地收11点所以45分钟前就收哂野咁我拣120分钟好蚀姐，拣90分平啲个餐好过。
见佢地收野我咋咋林问佢地拎雪糕纸order埋雪糕(个餐包每人一杯movenpick/韩国雪条)，问个侍应又九唔搭八乜都唔清楚话要问经理又盛，拎张雪糕纸姐咁简单都要问几次！好差好差！
食物方面，
汤底拣左蕃茄鱼汤同寿喜烧汤底，蕃茄鱼汤淡过水、寿喜烧汤得个甜字。呢个价钱黎讲牛肉质素不过不失啦！但海鲜盛合、刺身一啲都唔新鲜！见隔离枱不停食烧虾仲同经理赞啲虾好爽以为好好食啦，点知叫到黎食，虾既肉质非常散！所以话咩质素铺头就会吸引对食物质素咩要求既人...如果你对食物冇要求既即管可以黎食下既。另外烧物烧出黎完全唔够干身，
烧冬菇
14 浏览
0 赞好
0 留言
烧冬菇系湿既...
烧菠萝
13 浏览
0 赞好
0 留言
烧菠萝系用罐头菠萝...🤷🏻♀️其实食完都唔觉系有烧过😅
卫生方面，入座张枱执完都劲油腻，要叫佢地再抹先得。另外地下亦非常污糟，眼见隔离枱有新一班客入座亦冇好好清理。
到走既时候厕所仲要爆水管，成地都系咸水...
总括而然，中过一次伏真系可一不可再🤷🏻♀️
张贴
