王家沙 (已結業)

今日一家三口晚上6点左右去又一城 G/F王家沙食晚饭，之前都去过其它地方的王家沙，但最差的就是呢间，首先入门口时侍应态度已麻麻地，当时已经唔多人，已经发觉佢地唔系太想做生意，到叫左食物后更加唔掂，我叫左四样野，春卷，担担面，小龙包，锅仔梅菜扣肉饭，最正常就是春卷同担担面，小龙包皮好硬，入面D汤好咸，睇得出放左好耐，唔系新鲜做，是卖唔出再蒸的，最差的是所谓新出的锅仔梅菜扣肉饭，首自成个饭都是豉油，面头件扣肉仲干过金华火腿，而梅菜仲好苦，一般茶餐厅都好食过佢，我已经问侍应点解味道会系咁，佢答都无答我就话换比我，我问佢如果食材做法系咁我接受，佢一句都无解释就换比我，惊我嘈同投诉佢咁，到个饭再来过后，味道都是一样，于是我同老婆讲求其食左 D 饭算数就埋单走人，我同佢讲以后一定唔会再来呢间帮衬 ! 点解今时今日仲有呢 D 咁差的食物馆可以生存到㗎 !