季季紅風味酒家 (已結業)

寻晚一家人嚟呢度食饭。坐低冲洗食具时，发现有部份杯同碗都有食物渣残留喺度，洗都洗唔甩。叫侍应换过嚟时，个侍应手震震，一下敲爆咗只玻璃杯，仲割伤埋我老婆 。来到季季红，梗系食乳猪。只乳猪有芋头饭底，系唔错的，但略嫌切得太大旧，每一块乳猪大约有食指同中指拍埋咁阔。其他小菜冇乜特别，都系普通酒楼货色。我地前后叫咗两支啤酒饮当埋单果阵，发现收咗我地三支啤酒钱。我地当然叫部长过嚟理论，个女部长死口话我地有叫到三支。我地叫佢问清楚伙记。虽然最后有取消番一支啤酒，但个女部长仍然好唔愤气咁碎碎念。我地叫一围菜，未加一都千五六蚊。一支啤酒先卅蚊，如果我地真系有饮，都唔会贪心为悭果几十蚊同人嘈。作为一间知名食肆，服务态度唔应该系咁。