慢煮工業 (已結業)

呢间舖头服务态度太差，落单程序非常混乱。经OpenRice book 枱，入去完全无安排枱、只叫你是旦坐、坐咗又冇比Menu，等咗成10分钟都冇人理。终于攞咗餐牌想落order原来要自己走去收银机买、买完之后话俾我哋听只系可以食90分钟。坐咗一阵、又要求我转入面细枱(话有孕妇不方便）、眼见佢俾咗张大枱啲熟客、为咗孕妇、我都算。转左枱又冇帮我哋将D食物转去新枱，直至我地追时（因为得90分钟食，等咗多于30分钟都未有）、侍应先至发现我哋啲食物俾咗人哋食，亦都冇打算话我听、直到我追问果位侍应嘅时候、佢至话我啲嘢食俾咗人，佢唔单止冇道歉，仲问我哋取唔取消。当我话唔取消嘅时候，佢黑口黑面咁帮我哋落单！虽然食物唔错，但系最终一肚气出返嚟！各位食家，食物好味固然重要，但如果食到咁唔开心就奉劝大家要谂一谂。