影片
更多
2005-05-23
7 浏览
寻晚唔系好肚饿，同男友行街至八点半先去食晚饭。门口有人安排等位，等左10分钟左右就有位，都算快。我order左个米线套餐，拣左鱼腐米线、香蕉豆沙酥(2件)、热柠茶，$36。男友叫左个双菇海鲜泡饭，$30。唔够2分钟第一样上枱嘅野竟然是甜品~香蕉豆沙酥!!!!饭前甜品呀~!!!!??!?!???跟住热柠茶，一杯用普通咖啡杯载住我热柠茶竟然有5块柠檬，都唔知话佢抵好or浪费! 我只系o栋左2下，杯热柠茶已经酸到震，仲要俾我发现个杯边有上手嘅咖啡/奶茶渍，唔掂。我碗鱼腐米线到啦~ 见佢话系招牌推介咪试下啰!都算几好。我见男友碗泡饭未到，就食慢d等，愈等愈唔对路，咪叫番之前同我地落order个女仔，话佢知个泡饭未到，佢应左一下就走去做其他野，我望住佢，佢都无帮我跟进。身为饮食业管理层的我已经好唔满意，停哂手无继续食，男友叫我唔好理，快d食，唔系冻哂。再过左一阵，我忍唔住叫个高级d嘅埋黎，话佢知我地有个泡饭未到，佢只系重新入单到厨房。再过左10分钟，个泡饭仲未到。另一个高级职员见到我食哂而我男友d野食仲未到，就埋黎问我地有d咩未上.... 哗!!!终于有人主动理下我地啦~ 虽然你间舖系有好多人
我order左个米线套餐，拣左鱼腐米线、香蕉豆沙酥(2件)、热柠茶，$36。男友叫左个双菇海鲜泡饭，$30。
唔够2分钟第一样上枱嘅野竟然是甜品~香蕉豆沙酥!!!!饭前甜品呀~!!!!??!?!???
跟住热柠茶，一杯用普通咖啡杯载住我热柠茶竟然有5块柠檬，都唔知话佢抵好or浪费! 我只系o栋左2下，杯热柠茶已经酸到震，仲要俾我发现个杯边有上手嘅咖啡/奶茶渍，唔掂。
我碗鱼腐米线到啦~ 见佢话系招牌推介咪试下啰!都算几好。我见男友碗泡饭未到，就食慢d等，愈等愈唔对路，咪叫番之前同我地落order个女仔，话佢知个泡饭未到，佢应左一下就走去做其他野，我望住佢，佢都无帮我跟进。
身为饮食业管理层的我已经好唔满意，停哂手无继续食，男友叫我唔好理，快d食，唔系冻哂。再过左一阵，我忍唔住叫个高级d嘅埋黎，话佢知我地有个泡饭未到，佢只系重新入单到厨房。
再过左10分钟，个泡饭仲未到。另一个高级职员见到我食哂而我男友d野食仲未到，就埋黎问我地有d咩未上.... 哗!!!终于有人主动理下我地啦~ 虽然你间舖系有好多人，但都唔系要我地追咁多次ga。漏单都say个sorry 呀，一d歉意都无!!
最火果下系之前同我地落order个女仔经过见到我地，话「哗~仲未到呀!」，又走去做其他野，由头到尾到无帮我地跟进过。
第一次order后30分钟，个双菇海鲜泡饭终于到，都系一碗普昔通通嘅泡饭啦，无特别! 因为已经一肚气~!
最后食番个香蕉豆沙酥，一d香蕉味都无。
无下次!!!!
张贴