影片
更多
2020-06-12
2572 浏览
今日与家人出开钻石山，谂起钻石山附近就系志莲净苑，之前听人讲果度啲斋几好味，于是决定试吓，大约七点钟去到，见店内也几多人，在无订位的情况下，好彩仲有位俾我们，隔多一会，见之后入嚟啲人已开始要等位，一坐低，服务员已递上热茶，由于我们系三个人，一开始＂立＂眼见啲餐系四人起，所以无睇，睇散叫，但到落单时，个服务员见我有叫炖汤(散叫$120一位）于是好窝心咁同我讲，如果你叫炖汤，不如叫餐会抵好多，一睇，原来餐也有二位份量咁叫，个服务员仲话，都好多人叫二人餐但三个人食也够，成件事觉得好窝心老实，唔会为赚钱而唔提客人其实可以这样叫，最后叫了套餐A，二人份量系$480，另外加了白饭、腰果桃胶露及姜汁黑糖千层糕，食物整体来说几好味，不䶢，唔会有过多芡汁，清清地，其中一个前菜胡麻鲜茄凉皮，D凉皮系粉红色，几特别，不过觉得佢个甜品比较贵，要$60 一碗腰果桃胶露，份量比较少🙈但唔甜，适合老人家食，整体来说，几好，环境优雅、服务几好，食物也几好，重点不用加一👍🏻不过真系叫套餐抵过散叫，散叫老实讲系贵的🙈
张贴
