影片
更多
2025-01-17
1215 浏览
今日收工一个人去揾食，就去咗兰杜街行下，睇下有乜心水。见到新开间发达叉烧，就去试下啲叉烧水准如何。见到滑蛋叉烧饭$70蚊，金钟收费算系咁啦，加上好叉烧而家难揾。再加咗$10转做猪油捞饭，毕竟而家好少见。而且我同职员讲想要肥啲嘅叉烧，职员都好有礼貌咁话会尽量安排，唔一定有。咁我见个职员都咁有礼貌咁提我，我都做好心理准备，希望师傅心情好，帮我安排到肥少少嘅叉烧～到一上桌，先嚟碗汤，无乜味精，少盐清汤，暖下位热下身相当合适。主菜一上，猪油捞饭非常香，我半搅拌后食得相当过瘾。滑蛋相当香滑，唔会太油唔会太湿，师傅手势相当好！叉烧虽然全瘦，但份量多，师傅为咗配合瘦叉，将佢切得非常薄，虽然干，但都咬得烂，配合滑蛋同猪油，完美平衡！唯一美中不足系叉烧表面无乜焦糖味同炭香，有少少似食紧煲汤汤渣，不过有滑蛋同猪油配合，完美平衡！总括嚟讲，服务态度同环境非常好，一个人坐得非常舒服，职员都提我要捞匀猪油先好食个饭，非常亲切同好笑容。作为一间叉烧专门店，如果为咗食叉烧而去嘅人，可能要有心理准备，试多几次，撞下手神先食到想食嘅肥瘦度！或者有食过嘅人可以分享下点先食到肥叉烧～我个人而言唔会再去，因为我肯定有其他铺头
见到新开间发达叉烧，就去试下啲叉烧水准如何。见到滑蛋叉烧饭$70蚊，金钟收费算系咁啦，加上好叉烧而家难揾。再加咗$10转做猪油捞饭，毕竟而家好少见。而且我同职员讲想要肥啲嘅叉烧，职员都好有礼貌咁话会尽量安排，唔一定有。咁我见个职员都咁有礼貌咁提我，我都做好心理准备，希望师傅心情好，帮我安排到肥少少嘅叉烧～
到一上桌，先嚟碗汤，无乜味精，少盐清汤，暖下位热下身相当合适。主菜一上，猪油捞饭非常香，我半搅拌后食得相当过瘾。滑蛋相当香滑，唔会太油唔会太湿，师傅手势相当好！叉烧虽然全瘦，但份量多，师傅为咗配合瘦叉，将佢切得非常薄，虽然干，但都咬得烂，配合滑蛋同猪油，完美平衡！唯一美中不足系叉烧表面无乜焦糖味同炭香，有少少似食紧煲汤汤渣，不过有滑蛋同猪油配合，完美平衡！
总括嚟讲，服务态度同环境非常好，一个人坐得非常舒服，职员都提我要捞匀猪油先好食个饭，非常亲切同好笑容。作为一间叉烧专门店，如果为咗食叉烧而去嘅人，可能要有心理准备，试多几次，撞下手神先食到想食嘅肥瘦度！或者有食过嘅人可以分享下点先食到肥叉烧～
我个人而言唔会再去，因为我肯定有其他铺头会有多啲肥叉卖俾我呢个爱肥之人～
滑蛋叉烧饭（要求肥叉）
773 浏览
1 赞好
0 留言
张贴
