漁之部屋 (已結業)

与家人晚饭庆祝母亲节，都知道正日劲忙服务一定打折扣，但服务态度真系不得了，果然天外有天。用QR code落单本来系几好嘅安排，起码可以睇到你自己几时落单。但一开始QRcode唔得，显示还未结帐⋯⋯都未开始食⋯⋯好啦！改完都要等，又因为技术问题，要你取消所有从头来过，开始有啲火起⋯⋯之后开始叫，头一次只叫咗刺身，十分钟内上枱，还好，可惜由第二次叫寿司开始就一直慢，出餐慢、追单时眼都无望一眼就说「做紧㗎啦」！5点47分落的单，7点截单之后先上枱，仲要送来时串我哋「哗！落咁多都唔知你哋食唔食到！」明串我哋嘥料⋯⋯喂！搅清楚，你75分钟后先上枱，系咪仲要我赞你无漏单叻仔吖！每人可以包一个杯装雪糕，Movenpick或Haagen Daz，食唔切可以拎走，但原来堂食同拎走嘅分别，只系拎走佢会用个你系超级市场买雪糕时用嚟袋住走的透明胶袋，哗！唔该晒，唔系将军澳街坊都应该唔可以拎住走啦，乜都溶晒！OK屋企人拣地方，佢哋食得开心我忍你，但我必须要分享俾人知，原来三百几蚊一位要咁样俾人串，市度明显系恢复咗！