Shoreditch (已結業)

Great British Fried Breakfast $128同平时嘅all day Breakfast有少少唔同嘅，就系烟肉比较厚身有咬口相对嚟讲冇咁干、对于我唔钟意食烟肉嘅人觉得可以接受，其他都中规中矩。 Beef Shin & Bone Marrow Pie $198呢一个牛腱肉牛骨髓批系餐厅必食，出边好少有，所以就算中午都照试。外型焗得好靓好金黄，酥皮底下嘅牛腱肉加埋蘑菇汁口味较浓，建议配薯蓉或者另外多点一份酸种面包配搭会比较好，可以中和返牛肉嘅浓味，牛骨髓好香，搽面包真系一流，配搭嘅薯蓉都好香滑。Fresh Fish Finger $98炸鱼柳外皮好香脆，鱼肉有肉汁炸得啱啱好，加埋他他酱真系好惹味，食到停唔到口。正式既英国菜餐厅喺香港比较少，餐厅环境唔错，员工都好有礼貌，整体感觉唔错，因为野食比较大份，所以建议比较细食嘅可以一人一份share较好，好似我咁细食最后都要打包走，不过餐厅员工非常好，提供晒纸盒同埋纸袋俾我，又会好担心咁样怕嘢食唔好食所以我哋食唔哂。建议如果想试餐厅嘅特别菜就可以留返特别嘅日子，例如庆祝生日食夜晚，lunch就可以食返lunch set 抵食d