海天一色燒烤場 (已結業)

复活节家庭乐有老有少烧烤日!本来去小榄那个烧烤场，点知未入场就畀人激到一肚火。后来上网睇先揾到依个「海天一色」!一到门口，职员已经好好态度 ，因为落微雨，我地又唔想坐太入簷顶怕太焗，职员安排我地坐出少少又有得遮雨嘅地方。见我地有老人家，安排坐位近攞食物，好细心!之后落劲劲劲大雨，职员/老板又多次主动帮我地移入较干爽位置，由于同之前去唔成o个间成太大对比，依喥实在太好了!!至于食物!款式算多!一般猪、牛、鸡排，还有鱼排，一啲都唔腥亦无雪柜味，另外香肠类都有5款，鸡肉肠、芝士肠、红肠、珍宝肠，仲有我好喜欢嘅烧烤小红肠(唔系喥喥有)，又有鱿鱼(好入味!正)鸡翼都有全翼，有中翼任拣! 金沙骨、叉烧都好好食!虽然地方较小，无所谓「全港最大」标签， 但胜在服务周到，留意到客人需要! 大赞!!