影片
更多
2005-09-29
38 浏览
饼就无得你食，气就有得你受！上星期日有朋友生日，佢未试过想今次试下Zoe饼，我就试过几次，觉得佢地咁多款饼中只有signature cake "Zoe" 好食，但晏d去都卖晒，于是两日前打定电话去跑马地店订饼，点知我都未讲要几多件同几时要，个姐姐仔就话要先去佢地舖头俾钱先有得倾，公司规矩，无钱唔做，一系就到时黎到睇下买晒未。我只系订四件，一百蚊有找，又唔系一百几十件，我车由沙田过黎隧道都五十六蚊啦，阿姐姐就话，一件都要先俾钱，因为成日有客「放飞机」，仲话即日打电话黎留饼，几个钟后去都唔得。后来，阿姐姐仲叫左铜锣湾分店个supervisor打电话黎，呢个姐姐仲厉害，首先话无订饼policy（一早话无咪唔驶烦啰），然后又话，要先俾钱饼房至会做野，否则只能限量生产，我都同意如果讲紧几十件，都应该俾钱先，但而家只系几件，你地咁好生意，即使个客「放飞机」，你地都可以卖到出去，点知佢话：「你钟意点谂就点谂，我地做生意有我地方法，你星期日自己去舖度买到就买啦！」所谓限量，无非系想吊起黎买，令个名矜贵d，咁又系，我又无工人、司机帮我过海俾钱，似乎呢间饼店又认为住新界区人食唔起佢地d饼，咁我同佢地缘份亦
上星期日有朋友生日，佢未试过想今次试下Zoe饼，我就试过几次，觉得佢地咁多款饼中只有signature cake "Zoe" 好食，但晏d去都卖晒，于是两日前打定电话去跑马地店订饼，点知我都未讲要几多件同几时要，个姐姐仔就话要先去佢地舖头俾钱先有得倾，公司规矩，无钱唔做，一系就到时黎到睇下买晒未。我只系订四件，一百蚊有找，又唔系一百几十件，我车由沙田过黎隧道都五十六蚊啦，阿姐姐就话，一件都要先俾钱，因为成日有客「放飞机」，仲话即日打电话黎留饼，几个钟后去都唔得。
后来，阿姐姐仲叫左铜锣湾分店个supervisor打电话黎，呢个姐姐仲厉害，首先话无订饼policy（一早话无咪唔驶烦啰），然后又话，要先俾钱饼房至会做野，否则只能限量生产，我都同意如果讲紧几十件，都应该俾钱先，但而家只系几件，你地咁好生意，即使个客「放飞机」，你地都可以卖到出去，点知佢话：「你钟意点谂就点谂，我地做生意有我地方法，你星期日自己去舖度买到就买啦！」
所谓限量，无非系想吊起黎买，令个名矜贵d，咁又系，我又无工人、司机帮我过海俾钱，似乎呢间饼店又认为住新界区人食唔起佢地d饼，咁我同佢地缘份亦到此为止，我食得起，不过我有骨气。在此将件事写出黎敬告大家，因为阿supervisor姐姐话，即使你投诉佢都唔觉得自己有问题！
张贴