居廬 (已結業)

果日同朋友心血来潮想揾间甜品食下，于是黎左呢度。先唔讲带位方面嘅问题了，坐低一段时间迟迟都未有餐牌，可能系因为楼面得一个人嘅原因做唔切但俾人嘅感觉都系麻麻地。All day breakfast 正常水平，值得一讲嘅系个蛋仲系热嘅但冇咩味，薯角尚算热脆。草莓雪糕麻薯松饼上餐嘅速度都唔算太快🥲以为个甜品窝夫🧇会系即整嘅但都唔系，但士多啤梨系新鲜嘅。上到黎食落去系冻嘅冇外脆内软嘅感觉，软林林。入面有少量麻薯，加上外有大量嘅士多啤梨酱食左几啖之后就已经唔想再食了，太过甜腻。焗芝士烟肉吐司配沙律味道中规中矩，但冇咩特别。