新本眞茶餐室 (已結業)

嗌咗个早餐有多士，等咗一阵听到隔离枱有客叫走牛油，我就叫佢走牛油，佢一开始话唔走得(太迟讲），咁我话我唔食得㖞，最终佢走咗畀我。临走畀钱时我提出menu要写清楚多士有牛油，要纯素就要走蛋奶，佢话呢牛油系植物牛油，如果啲人「好钟意健康」嘅话要走咪走啰，又话如果系vegan嘅话自己应该清楚自己要咩，又话间餐厅唔系for你哋vegan嘅，厨师已经好好咁设计咗有啲vegan嘅选择，你呢啲第一次嚟嘅可能唔知啦，但其实我都唔系第一次嚟，最终阿姐都系认为自己啱晒，话下次再嚟就沟通清楚啲㖞。