Canadian Pizza (好順景大廈)

营业中

休息中

叫咗肉酱意粉外卖自取，攞嘅时候外卖盒上贴果张单都系写肉酱意粉，攞到返屋企打开有惊喜，竟然变咗焗西兰花。嬲到跳起。又要我攞返落去换。去到递比个女职员，问点解我叫肉酱意粉会变咗焗西兰花，佢听完，完全好似无事咁，攞返盒嘢去里面，我望住佢哋成班职员，应该已发现系同另一张单调转咗食物，睇佢哋肢体语言，好似知道咗之后，谜底已经解决，问题都已经解决咁。然后个女职员即时攞返盒意粉出嚟比我，心谂，即系冻晒啦。递比我时仲要非常若无其事咁。。。心里真系讲粗口。一句道歉都无，好似无事咁。成间舖又唔见有一个类似店长嘅物体，其他无份嘅职员个个望住件事好似睇戏咁。啲嘢问心系好食，但你哋咁多分店，究竟有无员工培训㗎？班友真系唔觉佢哋自己做紧服务业㗎㖞？如果有，咁你换晒元朗果友佢啦！！