馬華餐廳 (已結業)

对于南洋咖哩一直情有独钟，香港整得好食嘅店舖寥寥可数，日前路经佐敦，与太太想起此店咖哩，随即帮衬，过往帮衬过几次，质素仍然不变，服务质素同样无进步，不过只系食个几十蚊嘅咖哩牛脷饭，对服务，我无甚要求，但当我食到半路中途，一只超大曱甴由卡位墙边爬出嚟，太太尖叫，随即与我一起弹开（利申：我俩是怕曱甴之人），有职员上前捉曱甴，可惜捉唔到，去咗隔离，职员只系捉咗三十秒，见唔到只嘢，当无事发生走咗去，无谂过解决佢，要我再出声先至积极啲捉走佢，最后，我哋都系自己调位，拿拿声食完走人；到叫埋单，应咗你，之后又无下文，唯有自己出去柜枱畀钱。今次系本人第一次写食评，估唔到系投诉，其实出发点系爱之心责之切，唔想一间老店没落，而且话哂游客区，唔好影响香港，唔好失去我心中最好味嘅南洋咖哩。