漁道樂 (已結業)

未取消限聚令的星期六下午，同老婆仔仔想揾间未食过既餐厅试下。临时临急，K11好多日本餐厅都无得walk-in，见到渔道乐系社交平台广告啲相几靓，即管试一试。先打电话黎问walk-in有无位，佢地confirm有，咁就系美丽华泊好车行过嚟。入到门口，目测大约两成入座率。系门口扫完一轮QR code，经理安排左一张近门口，有柱顶住既四人台。我表示呢个位置照顾小朋友唔系好方便，会唔会有卡位或者其他台 （反正都空置），经理就话卡位最低消费$2500一台，亦无其他台俾到我地。个阵下午2点正，可能佢真系好多booking 未黎啦，我同老婆感受到不友善既气息唔多舒服，同埋直觉话俾我知卡位都要低消跑数既日本餐厅，伏味浓。即时同老婆撤退。