龍閣

营业中

休息中

一家人提早食中秋节饭，龙阁唔算大，但有分近门口位同较入嘅位，本来坐喺较入嘅位，但入面好多人，实在太嘈，所以搬咗出去近门口位，但侍应们都冇嫌我地麻烦。叫咗几味菜，最快到系汤。呢个系西洋菜瘦肉汤，味道鲜甜，似乎落咗好多蜜枣，汤料都好味，西洋菜好入味，d瘦肉亦唔硬。跟坐系瑶柱蛋白炒饭，睇落唔多油，几香口，d瑶柱有d干身到脆。子疆皮蛋，系传统嘅味道。黑木耳青瓜丝，味道一般，但几清新。烧腩仔，皮脆肉厚，甘香可口，唯独人多唔够分。蒜蓉蒸龙虾，好大只，一人半只，个样好吸引，点知有一只未熟，搣开咗先知，本来话煮返熟呢只，但其实已经搣到好核突，好在侍应最后都肯再整过只俾我地石斑两食，石斑肉好鲜美又滑，最钟意食鱼，入味又冇骨，正。