影片
更多
2019-05-02
823 浏览
揾食贴士︰永久除名红假前一日，约咗班姐妹食饭，西环友建议食呢间，话有食品种类多，海鲜质量唔错，于是聚会前2日透过订位平台订座。我地订咗730，先头部队系6点几已经到，获分配到吧枱位置。当时餐厅人流唔多，入座率7成都无。突然间我地谂起有今次聚会有孕妇出席，点坐吧枱呀，于是咪同餐厅讲转枱啰。第一次同侍应讲，佢话唔得，张张枱都有人订咗，再同佢讲话有孕妇，我地真系坐唔到吧枱，佢指住两张空枱话客人嚟紧，唔俾转。跟住一个疑似老板的人重申上述原因，希望转枱，佢好寸咁话唔可以，因为我地唔系NORMAL BOOKING，我同朋友0晒咀，咁问佢乜嘢叫NORMAL BOOKING，佢话亲自打去餐厅订座的先叫NORMAL BOOKING，我地转唔到枱系因为我地用订位平枱订座。仲同我地讲，你等𠮶两张空枱的客人嚟到，自己去问𠮶两张枱的客人肯唔肯同你地换枱。我地即时火都嚟埋，你咁歧视用订位平台啲客，咁眼紧个优，咪唔好同𠮶啲平台合作啰，唔使咁呀！于是我地即时转场，老实同条街都有两三间做相同的生蚝推广，点解要食呢间？仲有完全唔体谅啲客，真系唔想帮衬。最后埋单都搞咗劲耐，同个女侍应讲埋单，佢应咗之后唔理我地，我地再问佢，
红假前一日，约咗班姐妹食饭，西环友建议食呢间，话有食品种类多，海鲜质量唔错，于是聚会前2日透过订位平台订座。
我地订咗730，先头部队系6点几已经到，获分配到吧枱位置。当时餐厅人流唔多，入座率7成都无。突然间我地谂起有今次聚会有孕妇出席，点坐吧枱呀，于是咪同餐厅讲转枱啰。第一次同侍应讲，佢话唔得，张张枱都有人订咗，再同佢讲话有孕妇，我地真系坐唔到吧枱，佢指住两张空枱话客人嚟紧，唔俾转。跟住一个疑似老板的人重申上述原因，希望转枱，佢好寸咁话唔可以，因为我地唔系NORMAL BOOKING，我同朋友0晒咀，咁问佢乜嘢叫NORMAL BOOKING，佢话亲自打去餐厅订座的先叫NORMAL BOOKING，我地转唔到枱系因为我地用订位平枱订座。仲同我地讲，你等𠮶两张空枱的客人嚟到，自己去问𠮶两张枱的客人肯唔肯同你地换枱。我地即时火都嚟埋，你咁歧视用订位平台啲客，咁眼紧个优，咪唔好同𠮶啲平台合作啰，唔使咁呀！于是我地即时转场，老实同条街都有两三间做相同的生蚝推广，点解要食呢间？仲有完全唔体谅啲客，真系唔想帮衬。最后埋单都搞咗劲耐，同个女侍应讲埋单，佢应咗之后唔理我地，我地再问佢，佢唔相信我地要埋单咁，慢慢行去处理。
同场加影，我地张吧枱的另一边，有两个女士都系用同一个订位平台订座，侍遇同我地一样。佢地入座时无讲明几点还枱，但系因为我地要等佢地走咗先可以有位坐齐6个人，结果系接近我地订位时间，餐厅就唔埋佢地未饮完嘢，即刻扫佢地离开。佢地都闹爆个侍应，话佢地无讲明要限时还枱，又无视佢地仲未饮完嘢，但系最后都要埋单走人。
最后，朋友杯嘢好唔好饮已经唔记得，只系成肚火！
眼利的朋友见到我POST出嚟啲相，就知其实佢地无俾到任何优惠我地。
题外话/补充资料：
歧视用优惠的客人！
(以上食记乃用户个人意见 , 并不代表OpenRice之观点。)
张贴
