Cafe Pho 1975 (已結業)

入到餐厅，张枱贴住要scan QR code落单，比钱时，净系可以选择“VISA”之外，完全冇其他比钱方法。我过完数，佢个网坏鬼咗，等咗好耐张单仲系“SENDING.....”。唯有同呀姐讲，呀姐态度超级差话入黎咪讲咗个网坏咗啰， 但我系好肯定佢冇讲过，净系摆低咗餐牌走咗。咁我哋行番出去同收银呀姐讲，收银呀姐话佢收到我哋张单，只系佢部机印唔到出黎。跟住我哋等咗20分钟都冇嘢食，落单呀姐同我哋讲冇我哋张单，帮我哋落多次手写单，我哋心谂再落单又等多20分钟，加上赶时间，问佢可唔可以退钱唔食，佢话ok出去同收银呀姐讲就得。然后收银呀姐黎料喇：“咁我宜家帮你哋落番啰”，我哋坚持唔食退钱走，佢话：“我唔知你落咗咩order架㖞”。 20分钟前话收到，20分钟后话唔知，佢好似觉得宜家冇record退唔到钱比我哋，亦都唔想退钱咁。😡 咁我唯有比番我个落单画面佢睇啰，佢先死死哋气退番钱。之前净系试过外卖都觉得佢哋态度麻麻，今次第一次试下堂食发觉呢间嘢啲态度真系其差，唔会再帮衬。明明餐厅自己问题，佢会怪系啲客嘅问题。