羅富記粥麵專家 (已結業)

今日冇乜胃口想食粥，就到中环间罗富记食午饭，两点几到冇乜人。叫咗个肉丸粥同一碟油菜全走。个粥味道依旧，调味适中，只系个粥底稀咗啲。肉丸味道唔错，不过𠮶 size 真系细粒咗啲，油菜就灼得过熟，搅到有啲黄。同埋出面三十几度，啲冷气真系好唔够，食到个个成身汗。食完后出柜枱埋单，总共食咗 $51, 我俾 $102 佢找。佢之后只系俾返 $50 我，于是我只系善意提咗一句：“唔该我头先俾咗$102”, 然后收银𠮶位女士（我估系事头婆）就态度好串咁话：“你睇唔到我做紧野咩？一样还一样，你估我会走咗你㗎咩？” 大佬，俾钱食野仲要受气，你估净系得你一间卖粥面㗎咩！以后都唔会再去！