影片
更多
2016-06-20
599 浏览
事源小弟喺某报章媒体得知，龙津小食呢间嘢嘅创办人老细早排接受某报馆专访，所以小弟于琴日 (即2016年6月18日) 下午五点零钟，就专诚由钻石山坐车嚟到蓝田呢间分店前嚟帮衬。点知……未食到啲嘢，就开始受气喇！恶劣态度接踵而来，山长水远嚟到呢度，几经辛苦下，卒之俾我揾到呢间嘢，当时见到企喺店里面嘅就有两个阿姐同一个阿叔喺度。
于是我好有礼貌咁问：“唔该啲鱼蛋点卖呀”？，其中一个呀姐黑口黑面咁嗒低头回应：“大碗二十，细碗十蚊”。我问：“咁一串几钱呀？”(原本谂住买一串试下好唔好味先)，点知个呀姐拿住块面唔彩我，跟住我再问：“系唔系冇一串卖㗎？”，于是个呀姐就好似食错药咁，怒睥咗我一眼之后，突然递只手上嚟好大力咁猛拍挂住喺里面𠮶条 “$7一串鱼蛋” 嘅价目牌，跟住好大声咁咈：“你唔识睇㗎？” (由于小弟系初次帮衬，再加上头先俾前面个客遮挡住咗，所以先睇唔到𠮶价目牌)。小弟当时已经好嬲喇，但为咗息事宁人，自己啲EQ都算控制得好好，(心谂千祁唔好同呢种人一般见识，最多下次唔再帮衬嘅啫)，惟当时就真系谷到自己成肚气。
好喇，当时我当然冇心情再去试鱼蛋喇，咁
于是我好有礼貌咁问：“唔该啲鱼蛋点卖呀”？，其中一个呀姐黑口黑面咁嗒低头回应：“大碗二十，细碗十蚊”。我问：“咁一串几钱呀？”(原本谂住买一串试下好唔好味先)，点知个呀姐拿住块面唔彩我，跟住我再问：“系唔系冇一串卖㗎？”，于是个呀姐就好似食错药咁，怒睥咗我一眼之后，突然递只手上嚟好大力咁猛拍挂住喺里面𠮶条 “$7一串鱼蛋” 嘅价目牌，跟住好大声咁咈：“你唔识睇㗎？” (由于小弟系初次帮衬，再加上头先俾前面个客遮挡住咗，所以先睇唔到𠮶价目牌)。小弟当时已经好嬲喇，但为咗息事宁人，自己啲EQ都算控制得好好，(心谂千祁唔好同呢种人一般见识，最多下次唔再帮衬嘅啫)，惟当时就真系谷到自己成肚气。
好喇，当时我当然冇心情再去试鱼蛋喇，咁就同隔离另一个呀姐讲想要一碗碗仔翅，(事关个老细接受访问时同记者讲，话佢哋啲碗仔翅配料同鱼蛋汁都系中央工场整定返嚟嘅)，咁我梗系唔执输，想一试究竟啦！点知令到小弟非常失望，碗仔翅落咗好多味精，啲配料又好稀，真系唔知似乜？成个汤底卖相就好似洗脚水咁，食完之后劲饮好多水。 完全九唔搭八咁。
与此同时偶尔听到企喺我隔离食紧鸡蛋仔嘅两个学生哥哥喺度讲：“佢哋啲鱼蛋唔好食，好似成旧粉咁。” 哎……我一听到呢度，觉得头先真系好好彩，冇去试佢哋啲鱼蛋喳。
食完碗翅之后，我就问里面企档鸡蛋仔个阿叔，“请问啲垃圾丢去边呀？” 跟住个呀叔好唔耐烦咁，用只手指向前面冇雷公咁远，大大声咁话：“放喺𠮶度啰…”，跟住怒啤咗我一眼
唉……呢间啲咁嘅垃圾嘢，咁冇礼貌既人渣，想我下次再帮衬都几难。同埋俾著呢啲咁冇礼貌兼臭脾气嘅呀姐呀叔睇档，想唔早啲执笠就有鬼喇！
最后小弟想讲讲，如果大家想攞钱去买难受兼受气嘅，嚟呢度就啱嗱
张贴