大澳德發 (已結業)

成日喺炮台山觅食，今日试下呢间黄店。餐厅黎讲，唔理黄蓝，最紧要味道同态度。叫咗个鲜茄金菇南瓜通粉，配餐肉、鲜奶炒蛋、丹麦酥多士、茶走。落单𠮶阵都好地地，到个餐一上台，咦，餐肉呢？侍应俾错咗肠仔。叫个女侍应黎，话：唔好意思呀，我转餐肉架。点知个侍应话：无餐肉架！吓？咁妳头先落单𠮶阵又唔讲？怀疑佢落错单，于是喺佢行开𠮶阵，叫另外一个男侍应黎，问：我转餐肉架，可唔可以帮我换返？男侍应：无得转餐肉架！吓。然后听到隔离台叫餐肉，又有㖞！你哋啲侍应落错单，唔道歉都算啦，换返咪无事囖。死都唔认错，仲要一个呃我话无餐肉，一个呃我话无得转餐肉......讲大话都夹吓口供先啦......讲真，食物味道 OK架，只不过个奶茶杯嘅外观得人惊少少，同埋服务态度差少少囖。