榮式燒雞扒 (已結業)

今次系点左个鸡扒捞檬同冻柠水外卖。事源屋企人落开北角食荣式， 顺便买个外卖番黎。不嬲都觉得荣式既鸡扒好食，以为佢外卖应该都唔会出事。首先本身屋企人系堂食要叫份外卖，场入面既WAITER 就话外卖唔关佢事，外卖要出番去落单。好当系你地舖头规矩，都出番去收银落单。问左好多次鸡扒捞檬系咪可以外卖，因为无个汁好难食，都答可以外卖。结果屋企人拎到番屋企发现佢无比檬粉汁，亦无话可以系餐厅都落埋先走。筷子汤匙执左两份。冻柠水无长匙羹可以笃柠檬都算，吸管都无。食咁多外卖都系第一次遇到有餐厅系咁做野。一次外卖经验就只觉得堂食职员推卸责任，收银有钱收有生意做就乜都得，包外卖戈个就求其搞执你要既野比你就算。以后就算食都堂食算数，外卖认真中伏了。完全食唔落干曾曾既檬粉，唯一食得既系块鸡扒。BTW 鸡扒真系唔错的，怪就怪楼面做野捞搞啦。