影片
更多
2010-01-03
188 浏览
男友大人一向喺坤记附近返工，佢话几年前呢度系佢食晏饭堂，不过近年越嚟越多人帮亲，成日都等唔到位，所以少咗去，但系佢都成日同我讲坤记啲煲仔饭真系好正，所以相约好今日去会吓啲煲仔饭。佢一早亲身走去BOOK枱都话要去到下个星期，好彩男友大人以前经常帮亲，同啲资深阿姐+老板娘有两嘴好办事，不过都成7:30先有枱。到6:30...因为见有微雨，不如早啲去博吓可唔可以有位啦。一去到唔好讲笑，真系坐冇虚席，连门口位都排到满满咁，男友大人又搭膊头，等咗大概15分钟就可以坐底啦，GOOD!本应一心打算试白鳝田鸡煲仔饭，不过最后我要咗田鸡煲仔饭，大人就要白鳝排骨煲仔饭，再叫我一向至爱嘅椒盐九肚鱼，加多个蒜蓉炒西兰花。大概15-20分钟个西兰花同椒盐九肚鱼先后上枱，个西兰花一食落去就知系先烚后炒而唔系生炒，然后洒上现成干蒜蓉，冇口感，而且只有咸味，蒜蓉味欠奉。椒盐九肚鱼炸得唔过火，干身唔油，而且好香椒盐味，鱼肉质唔会一夹就散，佐酒一流。再过多15分钟，田鸡煲仔饭同白鳝排骨煲仔饭都分别嚟啦，田鸡肉好滑，而且饭质粒粒分明有饭香，烟烟靭靭又弹牙，不过可能田鸡本身冇咩味，个人嚟讲真系要加上大量豉油，但系一赞系田鸡除
到6:30...因为见有微雨，不如早啲去博吓可唔可以有位啦。一去到唔好讲笑，真系坐冇虚席，连门口位都排到满满咁，男友大人又搭膊头，等咗大概15分钟就可以坐底啦，GOOD!
本应一心打算试白鳝田鸡煲仔饭，不过最后我要咗田鸡煲仔饭，大人就要白鳝排骨煲仔饭，再叫我一向至爱嘅椒盐九肚鱼，加多个蒜蓉炒西兰花。大概15-20分钟个西兰花同椒盐九肚鱼先后上枱，个西兰花一食落去就知系先烚后炒而唔系生炒，然后洒上现成干蒜蓉，冇口感，而且只有咸味，蒜蓉味欠奉。椒盐九肚鱼炸得唔过火，干身唔油，而且好香椒盐味，鱼肉质唔会一夹就散，佐酒一流。再过多15分钟，田鸡煲仔饭同白鳝排骨煲仔饭都分别嚟啦，田鸡肉好滑，而且饭质粒粒分明有饭香，烟烟靭靭又弹牙，不过可能田鸡本身冇咩味，个人嚟讲真系要加上大量豉油，但系一赞系田鸡除咗脾位，个身起晒骨，食落方便好多。白鳝排骨煲仔饭啲排骨中上，白鳝油香都ok，冇想像咁肥美，但系可能因为白鳝用咗豆豉调味，所以个饭食起嚟比较有味道。食到咁上下，刮啲饭焦出嚟，又香又脆，建议大家唔好食到尾先刮啲饭焦，因为个煲仔啲余温会令啲饭焦㶶，所以中段开始食啲饭焦就prefect啦。
(小插曲 - 之前落order𠮶时有个阿姐已经放低咗一碗仔豉油for煲仔饭。而送田鸡煲仔饭嚟𠮶时个阿叔本应想再俾碗豉油我哋，不过佢可能见枱上经已有一碗，又或者佢以为我哋只系叫一个煲仔饭，所以佢顺手收番原先佢想放低𠮶碗，因为我本人食煲仔饭钟意多豉油，咁我同男友大人异口同声麻烦佢俾埋碗豉油我哋啦，点知佢超冇礼貌劲大声咁话: 俾埋你食唔晒我哋要倒架。佢放低咗之后一边讲一边走，𠮶刻我哋俩个呆咗完全反应唔到加劲唔好受，事关当时好多其他食客都望住我哋)
成晚饮咗两支大蓝妹，埋单$207~
下次想试吓羊腩煲同小炒皇，因为是晚好多食客叫呢两味~
张贴
