嘉韻酒樓 (已結業)

海韵酒家前身，连职员都冇乜点变，沿用返扺食套餐吸引食客，试左个四人商务晚餐$488，四盅鸡汤翅，两片翅片完整，汤得个咸字，半只鹅，热辣辣，皮脆肉嫩，脂肪少，算得上招牌菜，菠萝炒驼鸟肉，唔知系咪冇驼鸟肉？求其俾Ｄ鸡肉炒就以为可以过骨？驼鸟红肉黎个㖞？鸡肉扮驼鸟肉？你当人傻架？清蒸多宝鱼，多宝鱼本身肉质嫩滑，加上清蒸又冇乜技巧可言，味道不过不失，杏仁片炸百花球，当佢虾丸咁食都唔错，甜品椰皇炖雪鸽膏，炖品咁热，好自然用汤匙“毕“上面饮先，发觉好似滚水咁，一Ｄ味道都冇，原来实情系后加糖浆未溶，食到尾先知甜到呕，简直系垃圾不如既甜品！招呼都系一般，有人做野，亦有几条友“扮“时运高，睇你唔到，等第二个做啰，呢头食完，睇都唔睇台面张单印住甜品跟椰皇炖雪鸽膏就上红豆沙甜品，我要求佢更正，佢就话“是但啦，送埋俾你勒！“，老友，食得落先得架？你估送既就贪你小便宜咩？咪话你懒癈事椤走，仲夹硬要摆低，咁既服务态度真系吹到啤啤声！连茶介加一，两个饭同十蚊三支既啤酒，埋单咁就六旧几，食物质素参差，Ｄ人就非常骑呢。全店禁烟，食满二旧半送一粒钟泊车卷，五旧水以上晒冷都系送两粒钟。