Pentola (大埔藝術中心)

营业中

休息中

本来环境、食物不错，我哋仲谂紧下次再嚟食，但最后因为服务态度，令我哋决定唔再嚟食。我哋下午茶时段嚟食，谂住chill chill哋，叫咗两小时无限畅饮。我哋见时间差唔多，谂住举手添多杯。公道讲句，之前侍应都有主动为我哋添饮。系后来转咗第二个侍应当值，佢全程背住我哋睇电话，我哋举过几次手都冇人理。我哋咁啱接咗个电话，听完电话再叫侍应，佢冷冷一句：「你哋过咗钟啦。」我哋问佢过咗几多分钟，明明就只系几分钟。如果过钟冇得添饮，我哋觉得好合理，但之前侍应完全冇理过我哋，我哋就觉得佢跟足规矩好唔合理。如果唔系因为赶时间，真系好想同佢理论下。一餐美好嘅体验，瞬间扣晒分。