HeSheEat (白布街) (已結業)

📍HesheEat白布街22号艺兴大厦地下4号铺同朋友一行三人因为喺第一间餐厅食唔饱，又懒得揾餐厅，行到hesheeat门口，谂住依间实冇死🤔点知就系另一个伏嘅开始....一到门口，有个身型肥肥地嘅女侍应就走出门口帮我哋量体温，但系隔住口罩你都见到佢块面好西😤仲不停眼望望我拎住𠮶袋包啲嘢食望落都叫正常☝🏻但千祈唔好畀佢个样呃到，啲薯条系劲难食嘅，劲番炸！番炸！番炸！（太重要，要讲三次）咁我哋就决定同呀女侍应讲，佢将个口罩拉到落下巴位置，就对住我哋讲嘢，以下系佢嘅说话：「咁你哋想点呀？我帮你cancel啰！」之后，佢将对眼反到后脑，就拎住我张单消失咗。等咗阵，我哋一行人去揾佢拎张单，有个应该叫经理嘅人就同我哋讲佢会处理，帮我哋cancel份薯条，睇到依度嘅你系咪以为依位「经理」都几好就喺我哋畀完钱出门口个刻，佢突然好大声咁讲「唔好咁嬲，唔好劳气」咁我位朋友就望一望佢，原来佢系同呀西人女侍应讲紧㖞🙄🙄🙄畀依间嘢所谓「入选」嘅呃咗嘅朋友，请三思大把好嘢食呀！！！伏依㗎嘢我中咗，你哋唔好中