影片
更多
2017-08-10
201 浏览
好少会嬲到要写出黎，今次都可以话系头一次。。。首先赞左先，啲食物真心好食既，叫左三样野，辣芝麻炸鸡翼好脆口好入味，黑松露薯条唔洗讲啦个味道系perfect match，烟三文鱼岘肉天使面都好味！ 今次想讲既系佢地员工既态度同服务质素。。。一开始侍应推荐我地食套餐会抵啲，有埋餐汤、茶/咖啡、甜品。我中意到每间餐厅都试下佢地既特式饮料，所以加15蚊点左杯冻既chocolate@paradise。大概等左一个钟左右野食都到齐，食剩一半既时候，杯特饮仲未到，男朋友提议我要唔要催下。我见旁边比地我地早到既客人都系啱啱上野饮，一心谂住人地或者好忙出唔切野饮，决定等多一阵再唔黎先催单。 十零分钟又过去，一问侍应之下原来系落漏单，咁算啦，唯有怨自己唔好彩冇早啲叫佢地跟下单。又等左十零分钟，枱上既野食都食完了，啱啱到既客人杯野饮都上了，再问侍应，原来我杯野饮仲未冲！ 漏左单唔系应该快啲出返我个杯先嫁咩。。。我真系愤怒到就黎要爆粗，但见个侍应一个人要serve哂全场，忙到踢哂脚我都唔忍心爆佢，只系叫佢取消杯特饮，改做冻柠茶，冻柠茶唔洗冲好耐啦挂？（取消特饮之后系完全冇人问过我原本跟餐送既咖啡/茶想拣返咩饮
首先赞左先，啲食物真心好食既，叫左三样野，辣芝麻炸鸡翼好脆口好入味，黑松露薯条唔洗讲啦个味道系perfect match，烟三文鱼岘肉天使面都好味！
今次想讲既系佢地员工既态度同服务质素。。。
一开始侍应推荐我地食套餐会抵啲，有埋餐汤、茶/咖啡、甜品。我中意到每间餐厅都试下佢地既特式饮料，所以加15蚊点左杯冻既chocolate@paradise。大概等左一个钟左右野食都到齐，食剩一半既时候，杯特饮仲未到，男朋友提议我要唔要催下。我见旁边比地我地早到既客人都系啱啱上野饮，一心谂住人地或者好忙出唔切野饮，决定等多一阵再唔黎先催单。
十零分钟又过去，一问侍应之下原来系落漏单，咁算啦，唯有怨自己唔好彩冇早啲叫佢地跟下单。
又等左十零分钟，枱上既野食都食完了，啱啱到既客人杯野饮都上了，再问侍应，原来我杯野饮仲未冲！ 漏左单唔系应该快啲出返我个杯先嫁咩。。。我真系愤怒到就黎要爆粗，但见个侍应一个人要serve哂全场，忙到踢哂脚我都唔忍心爆佢，只系叫佢取消杯特饮，改做冻柠茶，冻柠茶唔洗冲好耐啦挂？（取消特饮之后系完全冇人问过我原本跟餐送既咖啡/茶想拣返咩饮，要我自己主动叫佢地先跟返，甜品都系要问佢地先有。。。Orz）
又等左五分钟，见到男侍应手上拎住个咖啡杯行过黎话冻柠茶到，我同男朋友你眼望我眼无奈咁笑左出黎，我地系点冻柠茶唔系热柠茶呀。。。 折腾左一大轮最后都终于有啖野饮下。。。
基本上成餐饭我都系干啃，（店家提供既清水是水喉水好大阵味冇饮到）到食哂野，三催四请先有杯冻柠茶饮下。。。我唔会怪serve我地个位男侍应，因为睇得出佢系新人，啲野都未系好熟，而且楼面其实有三个男侍应，但全程我都只系见到佢一个人忙紧，仲有其他两位我谂系比较资深既侍应就净系行行企企，埋首玩电话，从来冇谂住要帮下个新人手，亦从来冇主动积极留意顾客有咩需要，呢一点系我觉得最失望既。而直到埋单既时候我系连一句道歉都冇听到，唔系客人大哂，只系希望有返少少既尊重。。。 其实饮食行业落漏单落错单好正常好小事，但员工既态度同处理手法有失妥当就好大件事。假如呢间店既老板睇到呢篇文章我希望真系会好好再培训一下佢地既员工。啲野食好食啦，个装修又靓啦，但啲员工真系好唔掂。我应该都唔会再黎食啦，除非员工质素有明显改善啦。
临走既时候男朋友有啲意犹未尽仲未食饱问我洗唔洗去食碗糖水，我讲笑咁话「本来仲食得落一碗雪糕豆腐花既，但而家受既气都受饱啰~」
张贴