北園酒家 (已結業)

几年前系附近翻工，同事一有聚餐都会来呢度食lunch， 印象中嘢食都好好， 最记得大家都好钟意叫呢度既四喜烤麸，其余点心都好唔错。 事隔咁多年， 唔知系咪管理不善呢，呢间嘢变到越来越差，话说我同家人一行人3大一小去饮茶， 一去到1楼， 有个哥哥仔指住叫我地行入去坐， 点知入面full左， 好啦，无位都唔紧要， 无人带位都算， 我带住BB ， 又有行动不便老人家都算啦，我自己上多层睇睇有无位啦，去到二楼， 个呀姐点我地坐张6-7人台，仲叫我地搭台， 我好声好气问可唔可以唔搭呀（其实当时有几张吉台）个呀姐好无礼貌咁讲「唔搭台我lee度无位俾你！」 其实呢，我觉得你做服务业，对客人讲嘢加多句唔好意思， 繁忙时间时段暂时无位， 或者你上楼上睇睇有无细台」 连基本礼貌都无？ 莫讲话礼貌啦，我抱住Bb连BB櫈都无张俾我， 我只可以讲， 你价钱唔系平价酒楼， 地点系中环区， 仲要收我加一服务费， 请问服务态度咁样值得客人俾钱？